Ali Erlikaya bildirib ki, Yevgeni Serebryakov saat 09:40-da Moskvadan Bodruma gəlib.
/TASS/. Türkiyə Daxili İşlər Nazirliyinin rəhbəri Əli Erlikaya Moskvada avtomobili partlatmaqda şübhəli bilinən Rusiya vətəndaşı Serebryakovun Bodrumda tutulmasını əks etdirən videonu yayıb.
Videoda əllərində silah olan polisin ağ avtomobili saxlaması, oradan bir nəfəri çıxarması, yerə uzanmasını tələb etməsi,sonra isə əlinə qandal vurması göstərilir.
Türkiyə Daxili İşlər Nazirliyinin rəhbəri bildirib ki, Yevgeni Serebryakov yerli vaxtla saat 09:40-da (Moskva vaxtı ilə eyni) Moskvadan Bodruma gəlib. Saat 10:30-da Türkiyə İnterpoluna axtarışda olan şəxs barədə məlumat daxil olub, lakin o, İnterpolun beynəlxalq axtarışda olan şəxslərin məlumat bazasında yer almadığından onun saxlanılması üçün vaxt lazım olub. Rusiyalı həmkarlarından axtarışda olan şəxs barədə məlumat alan Serebryakov Türkiyə xüsusi xidmət orqanlarının keçirdiyi əməliyyat nəticəsində saxlanılıb.
Türkiyə Daxili İşlər Nazirliyinin rəhbəri saxlanılan şəxsin Rusiyaya nə vaxt təhvil verilməsinin planlaşdırıldığını dəqiqləşdirməyib.