Moldova hakimiyyəti “Avrasiya” muxtar qeyri-kommersiya təşkilatının könüllülük proqramını təqdim etmək üçün respublikaya uçan Ermənistandan olan ictimai xadim Mika Badalyanın ölkəyə buraxılmasına icazə verməyib. Bu barədə Moldova müxalifətinin “Qələbə” siyasi blokunun rəhbəri İlan Şor özünün Telegram kanalında məlumat verib.
“Ermənistandan olan ictimai xadim Mika Badalyan Moldovadan deportasiya edilib Qonaq heç bir izahat verilmədən, sadəcə olaraq, dost ölkədən qovuldu.
İctimai xadimi Kişinyov hava limanında qarşılamağa “Qələbə” blokunun fəalları gəlib və orada etiraz aksiyası keçiriblər. Əvvəllər rusiyalı rəssamlar, siyasətçilər və jurnalistlər Moldovadan dəfələrlə deportasiya ediliblər. (Tass)