DXR-dəki Pokrovsk istiqaməti Ukrayna Silahlı Qüvvələri (AFU) üçün ən çətin istiqamətdir. Ukrayna prezidenti Vladimir Zelenski bunu bəyan edərək, Ukrayna Silahlı Qüvvələrinin komandanlığından “mövqelərini gücləndirməyi” tələb edib.
Onun sözlərinə görə, iyulun 26-da müdafiə naziri Rustem Umerovla görüş keçirilib. “Həm nazirlə, həm də hərbi komandanlıqla çətin istiqamətlərdə vəziyyəti ətraflı araşdırırıq, ilk növbədə, bu, Pokrovsk istiqamətidir”, – Zelenski Telegram kanalında yayımladığı videomüraciətdə bildirib.
Çətin vəziyyətə görə o, gündə iki dəfə Ukrayna Silahlı Qüvvələrinin Ali Baş Komandanı Aleksandr Sırskinin məruzələrini dinləyib. Zelenski bildirib ki, Ukrayna ordusunun mövqelərini gücləndirmək üçün “hər şey edilməlidir”.
Ukrayna Silahlı Qüvvələri Baş Qərargahının son əməliyyat hesabatlarında da vəziyyətin Pokrovsk istiqamətində ən gərgin olduğu qeyd edilir. Lakin Zelenski Baş Qərargahdan fərqli olaraq, cəbhədəki çətin vəziyyəti o qədər də etiraf etmir. (Tass)