İtaliyanın baş naziri Giorgia Meloni Çinlə “yeni əməkdaşlıq formalarının həyata keçirilməsinə” yönəlmiş üç illik fəaliyyət planı imzalamaq üçün razılıq əldə etdiyini açıqlayıb. Bu barədə ANSA Meloninin Pekinə rəsmi səfəri zamanı verdiyi açıqlamaya istinadən məlumat yayıb.
Baş nazir iki ölkənin sahibkarlarının forumunda iştirak edib. “Bu biznes forum tərəfdaşlığımızı gücləndirmək, güclü və zəif tərəflərimizi qiymətləndirmək, nəyin işlədiyini və nəyin olmadığını başa düşmək üçün vacib və dəyərli bir fürsətdir və bu, bizə bərabər və qarşılıqlı faydalı əsasda daha effektiv ticarət əlaqələri qurmağa imkan verəcək” deyib Meloni.
Onun hökuməti İtaliyanın baş naziri Cüzeppe Kontenin 2019-cu ildə imzaladığı iştirak memorandumu olan Pekinin Kəmər və Yol Təşəbbüsündən çıxdı. Bu əməkdaşlıq ticarət mübadiləsinin artırılmasını və 2013-cü ildə Çin Sədri Si Cinpin tərəfindən təklif olunan çoxtərəfli ticarət və investisiya layihələrinin intensivləşdirilməsi konsepsiyasının həyata keçirilməsi üçün İtaliya limanlarından istifadə imkanlarını əhatə edirdi. İtaliya təşəbbüsə qoşulan yeganə G7 ölkəsi olub. (Tass)