Ermənistanın xüsusi nümayəndəsi, parlament sədrinin müavini Ruben Rubinyan və Türkiyənin xüsusi nümayəndəsi Serdar Kılıç iyulun 30-da iki respublikanın sərhədində İrəvanla Ankara arasında münasibətlərin normallaşdırılması prosesini müzakirə etmək üçün görüş keçirəcəklər. Bu barədə Ermənistan Xarici İşlər Nazirliyinin mətbuat xidməti məlumat yayıb.
“İyulun 30-da Ermənistan-Türkiyə sərhədində xüsusi nümayəndələrin beşinci görüşü keçiriləcək”, – deyə departamentdən bildirilib.
2023-cü ilin martında tərəflər sərhədin üçüncü ölkə vətəndaşları və diplomatik pasportu olan şəxslər üçün açılması barədə razılığa gəliblər, lakin bu razılaşma hələ də həyata keçirilməyib. (Tass)