Hakim “Gürcü Arzusu – Demokratik Gürcüstan” partiyasının baş katibi, Tbilisi meri Kaxa Kaladze bildirib ki, ABŞ-la münasibətləri korlamaq üçün heç bir əsas yoxdur.
“Biz dəfələrlə demişik, bir daha təkrar edirəm: biz dostluğa, əməkdaşlığa hazırıq (ABŞ ilə). Müəyyən məsələlər var, ona görə də bu münasibətlər yenidən qurulmalıdır “, – Kaladze jurnalistlərə bildirib.
Tbilisi meri may ayında parlamentin qəbul etdiyi və ABŞ və Aİ ilə münasibətlərdə fikir ayrılığına səbəb olan xarici agentlər haqqında qanuna növbəti dəfə münasibət bildirib. “Şəffaflıq qanunu necə mübahisəli və ya anti-Qərb ola bilər? Məqsəd birdir – maliyyəsi şəffaf olmayan konkret qeyri-hökumət təşkilatları var ki, biz hər şeyi şəffaflaşdırmaq istəyirik. Nümayəndələri inqilabı maliyyələşdirən bu ekstremist təşkilatlar kimlərdir? – siyasətçi vurğulayıb.
ABŞ Müdafiə Nazirliyi iyulun 5-də elan edib ki, 2024-cü ilin yayında planlaşdırılan “Layiqli tərəfdaş” Gürcüstan-Amerika hərbi təlimləri strateji münasibətlərə yenidən baxılması səbəbindən qeyri-müəyyən müddətə təxirə salınıb. Pentaqon bu qərarı Gürcüstan hakimiyyətinin ABŞ və Qərbin Ukraynadakı vəziyyətlə bağlı Rusiyaya təzyiqi artırmaq üçün “ikinci cəbhə” açmaq cəhdlərini elan etməsi ilə əsaslandırıb. Amerika tərəfi belə bəyanatların yalan olduğunu iddia edir. (Tass)