AZƏRTAC xəbər verir ki, bu barədə “Azəristiliktəchizat” ASC məlumat yayıb.
Məlumata əsasən, Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti, “Azəristiliktəchizat” ASC və “Azərsu” ASC-nin aidiyyəti qurumlarının nümayəndələri “Azərsu” ASC-nin nəzarət ölçü cihazlarının sınaq laboratoriyasında olublar.
Xidmət rəhbəri laboratoriyanın fəaliyyəti ilə bağlı ətraflı məlumat verdikdən sonra “Azəristiliktəchizat” ASC sədrinin vəifələrini müvəqqəti icra edən İlham Mirzəliyev, “Azərsu” ASC sədrinin müavini İlqar Tağıyev və Azərbaycan Respublikası İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin şöbə müdiri Xamis Seyranov istilik və isti su sayğaclarının dövlət yoxlamasından keçirilməsi və kalibrlənməsi üçün yeni yaradılacaq laboratoriya ilə bağlı müzakirələr aparıblar.