“Hizbullah” şiə milislərinin pilotsuz uçuş aparatları Qərbi Qalileydəki İsrail hərbi obyektlərinə hücum edib. Bu barədə qurumun Telegram kanalında yerləşdirilmiş bəyanatında deyilir.
Orada bildirilir ki, kamikadze pilotsuz təyyarələr İsrailin Nahariyadakı hərbi bazasına zərbələr endirib, Hayfa və Akko şəhərləri yaxınlığındakı bir neçə hərbi obyektə hücum edib.
Əl-Cəzirə telekanalının məlumatına görə , İsrailin şimalında 20-dən çox yaşayış məntəqəsində hava hücumu sirenləri səslənib. Hayfa şəhərinin özündə bir neçə partlayış baş verib, lakin onların nəticələri barədə məlumat verilmir. Bir dron avtomobilə dəyib, iki sakin orta dərəcəli xəsarət alıb. (Tass)