Rusiya Federasiyası Təhlükəsizlik Şurasının katibi Sergey Şoyqu bildirib ki, onun Bakıya işgüzar səfəri zamanı keçirilən görüşlərdə Qərbin Cənubi Qafqazda təhlükəsizliyin yaradılması prosesinə müdaxilə cəhdləri müzakirə olunub.
Çərşənbə axşamı Bakıda Şoyqu Azərbaycan Prezidenti İlham Əliyev, eləcə də Azərbaycan Prezidenti yanında Təhlükəsizlik Şurasının katibi Ramil Usubov ilə görüşüb.
“Məsələlərin ən geniş spektri müzakirə edilib”, – deyə Şoyqu jurnalistlərə bildirib: “Bu, ilk növbədə, Cənubi Qafqazda təhlükəsizliklə bağlıdır. Təbii ki, Qərbin bu prosesə çox fəal müdaxilə cəhdləri”.
Şoyqu əlavə edib ki, nəqliyyat layihələri, xüsusilə Şimal-Cənub dəhlizi müzakirə edilib.