Hizbullahın iki nömrəli siması Fuad Şükürün öldürülməsi və İsrailin Akko şəhəri ilə mülki və hərbi yaşayış məntəqələrinə cavab hücumundan sonra Həsən Nəsrullah Təl-Əviv rəhbərliyini qorxudub. Hizbullah lideri Nəsrullah, “Hayfa bölgəsinin sakinləri istənilən ssenariyə hazır olmalıdırlar. Artıq bütün bölgənin taleyi müəyyənləşib. Gecikmiş cavab İsrailə verilən cəzanın bir hissəsi olacaq” deyib.
Həmas lideri İsmayıl Haniyə və Hizbullahın aparıcı komandiri Fuad Şükürün ardıcıl sui-qəsdlərdə öldürülməsindən sonra bölgədə gərginlik hər zamankindən daha yüksəkdir. İran və Livan Hizbullahı bir-birinin ardınca İsrailə qarşı qisas bəyanatları verərkən, bölgədə qorxular yaranıb . Hizbullah İsrailin Aralıq dənizi sahilindəki Akko şəhərini və bir çox İsrail yaşayış məntəqəsini kamikadze silahlı pilotsuz uçuş aparatları ilə hədəfə alıb. Bildirilib ki, Qolani Briqada Qərargahı və Akkadakı digər baza tam zərbə ilə vurulub.
Bu barədə Hizbullah lideri Həsən Nəsrullah da açıqlama verib. İsraili qorxudan Nəsrullah yeni hədəflərini də açıqlayıb. Nəsrullah, “Hayfa bölgəsinin sakinləri hər cür ssenariyə hazır olmalıdırlar. Artıq bütün bölgənin taleyi müəyyənləşib. Biz bu yola imanla çıxdıq və bu yolda şəhid olmağı qəbul edirik” deyib.