İsrailin baş naziri Binyamin Netanyahunun böyük oğlu Yairin qeyri-qanuni diplomatik pasportların verilməsi işində əli ola bilər. Bu barədə Ynet portalı məlumat yayıb.
Bundan əvvəl İsrail polisi İsrail Xarici İşlər Nazirliyinin Qüdsdəki baş qərargahında buna hüququ olmayan şəxslərə diplomatik pasport verilməsi ilə bağlı araşdırmalar çərçivəsində axtarışlar aparıb.
Ynet-in məlumatına görə, əsası olmayan belə bir sənədi olanlardan biri də Yair Netanyahu ola bilər. Mövcud qaydalara görə, İsrail baş nazirinin övladları 18 yaşına çatana qədər qanuni olaraq diplomatik pasporta sahib ola bilərlər. Portalın qeyd etdiyi kimi, Yair belə bir sənədi ilk dəfə 2009-cu ildə alıb və o vaxtdan indi 33 yaşı olmasına baxmayaraq, onu bir neçə dəfə yeniləyib.
Ynet xəbər verir ki, ümumilikdə İsraildə 11 mindən çox adamın diplomatik pasportu var. Bu sənəd daşıyıcıya xüsusi üstünlüklər vermir, lakin nüfuzlu sayılır. Onun sahibləri arasında çoxlu siyasətçilər, məmurlar və ictimai xadimlər var, portal qeyd edir. (Tass)