İsrailin baş naziri Benyamin Netanyahu İsrailin təhlükəsizlik və rifah yolunda irəliləməsinə kömək etmək qabiliyyətinə inandığı müddətcə hakimiyyətdə qalmaq niyyətindədir. O, bu barədə Amerikanın “Time ” jurnalına müsahibəsində bildirib.
“İsraili təhlükəsizlik, davamlı təhlükəsizlik və firavanlıq gələcəyinə aparmağa kömək edə biləcəyimə inandığım müddətdə vəzifəmdə qalacağam” deyib 74 yaşlı baş nazir.
Netanyahu rəhbərlik etdiyi Likud partiyası ilə altı dəfə seçkilərdə qalib gəlib və ümumilikdə İsrail hökumətinə rəhbərlik etməkdə 17 illik təcrübəyə malikdir. O, ilk dəfə 1996-cı ildə baş nazir olub və 1999-cu ilə qədər bu vəzifədə olub. Daha sonra o, 2009-cu ildə hakimiyyətə qayıdıb və 2021-ci ilə qədər baş nazir postunda qalıb, hakimiyyəti ondan sonra baş nazir kimi əvəzlənən Naftali Bennet və Yair Lapidin rəhbərlik etdiyi geniş koalisiyaya verib. (Tass)