Yazıçı, jurnalist Varis Yolçiyev Report Media Məktəbinin tələbələri ilə görüşdə bildirib ki, cəmiyyət sanballı əsər görmədiyi üçün istənilən müğənni də roman yazsa belə, insanlar sevərək oxuyacaq.
Ritorika.az xəbər verir ki, yazıçı 1990-cı illərdə əldə olunun müstəqillik dövründə cəmiyyətin ədəbiyyatdan uzaq düşərək siyasiləşdiyini və ədəbiyyatda bir boşluğun yarandığını bildirib. Yazar 2000-ci illərin əvvəllərində ölkədə yeni əsərlərin yox səviyyədə olduğunu deyib.
V.Yolçiyev bildirib ki, həmin dövrdə ədəbiyyatdakı çatışmazlığı “Sonuncu ölən ümidlərdir”, “Bir ovuc torpaq”, “Sənə inanıram” kimi əsərlərlə doldurub.
Varis Musa oğlu Yolçiyev 1966-cı ildə Sumqayıtda anadan olub. Rusiya Yazıçılar İttifaqının, Azərbaycan Yazıçılar Birliyinin, Beynəlxalq Yazıçılar Gildiyasının üzvüdür. Azərbaycan Respublikasının Əməkdar jurnalistidir.
Cavid Zahidoğlu
