İsrail Hərbi Hava Qüvvələri səhər tezdən Qəzza zolağında məskunlaşan ərazilərə silsilə hücumlar həyata keçirib. WAFA agentliyinin məlumatına görə , Beyt Lahiya şəhərində 14 nəfərlik bir ailə evlərdən birində baş verən partlayış nəticəsində həlak olub.
Xan Yunesdə yaşayış binasının vurulması nəticəsində bir qız ölüb, onlarla insan yaralanıb. Bu şəhərdə reyd zamanı yeganə xəstəxana dağıdılıb. Nuseyratda bir neçə çoxmərtəbəli binaya ziyan dəyib, ölən və yaralananlar barədə hələlik məlumat yoxdur.
Əl Manar telekanalı Qəzzanın qərbində çəkiliş qrupunun İsrail Hərbi Dəniz Qüvvələrinin atəşinə tutulduğunu, iki müxbirin öldüyünü, üç nəfərin yaralandığını bildirib.
Fələstin Səhiyyə Nazirliyinin məlumatına görə, son sutka ərzində mülki vətəndaşların sayı 424-dən 704-ə yüksəlib, 3,9 mindən çox yaralı var. BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyi 70 mindən çox fələstinlinin evsiz qaldığını bildirib. (Tass)