Qəzza zolağında atəşkəsə nail olmaq məqsədi daşıyan məsləhətləşmələr İranın Fələstinin HƏMAS hərəkatının Siyasi Bürosunun rəhbəri İsmayıl Haniyənin Tehranda öldürülməsinə cavab vermək hüququnu inkar etmir. Bu barədə İslam Respublikası Xarici İşlər Nazirliyinin rəsmi nümayəndəsi Naser Kənani bildirib.
İranın Fars agentliyi onun sözlərini sitat gətirib:
Bu sualın İranın təcavüzkara cavab vermək üçün qanuni hüququ ilə heç bir əlaqəsi yoxdur”. Kənani qeyd edib ki, İran hakimiyyəti “dostlarını” əmin edib ki, Tehran “bölgədə gərginliyi artırmağa çalışmır və Qəzza zolağında atəşkəsin yaradılması üçün birgə, xoş niyyətli səyləri dəstəkləyir”. “Eyni zamanda, biz İranın öz hüquqlarını müdafiə etmək və təcavüzkarı cəzalandırmaq üçün ayrılmaz hüququnu vurğulayırıq”, – o əlavə edib.
İran Xarici İşlər Nazirliyinin nümayəndəsinin sözlərinə görə, Qəzza zolağında “təcili atəşkəsə ehtiyac olduğuna heç kim şübhə etmir”. “Son aylarda İran bu amansız qırğına son qoymaq üçün vicdanla bütün imkanlarından istifadə edən ölkələrdən biri olub”, – deyə o, davam edib. Kanani vurğulayıb ki, “top hazırda ABŞ və İsrailin meydançasındadır”. (Tass)