İsrail tərəfi Qəzza zolağında atəşkəs məsələsində radikal Fələstinin HƏMAS hərəkatı ilə fikir ayrılıqlarını azaltmaq üçün nəzərdə tutulmuş ABŞ-ın yeni təklifini qəbul edib. Bunu İsraildə səfərdə olan ABŞ dövlət katibi Entoni Blinken Təl-Əvivdə jurnalistlərə açıqlamasında deyib.
“Bu gün [İsrailin] baş naziri Benyamin Netanyahu ilə çox məhsuldar görüş zamanı o, mənə təsdiq etdi ki, İsrail [ixtilafların] aradan qaldırılması təklifini qəbul edir və dəstəkləyir və indi Həmas da bunu etməlidir”, – Blinken bildirib. (Tass)