Ukrayna hökuməti silahlı qüvvələrin (AFU) ehtiyacları üçün pilotsuz təyyarələrin alınmasına 24 milyard qrivna (580 milyon dollar) ayırıb. Bu barədə ölkənin baş naziri Denis Şmıqal məlumat verib.
“Bu gün biz təhlükəsizlik və müdafiə qüvvələri üçün pilotsuz təyyarələrin alınmasına 24 milyard qrivna ayırırıq”, o, Telegram kanalında yazıb. Baş nazir xatırladıb ki, “dövlət artıq 1 milyon pilotsuz uçan aparatla müqavilə bağlayıb, 500 Ukrayna şirkəti PUA istehsal edir” və ordunun ayrıca bir qolu – Pilotsuz Sistemlər Qüvvələri də yaradılıb.
19 dekabr 2023-cü ildə Ukrayna prezidenti Vladimir Zelenski mətbuat konfransında 2024-cü ildə ölkədə bir milyon pilotsuz uçan aparat istehsal etməyi planlaşdırdığını açıqlayıb. Bu ilin əvvəlində Ukraynanın Rəqəmsal Transformasiya naziri Mixail Fedorov ölkə vətəndaşlarını FPV pilotsuz təyyarələrinin evdə müstəqil şəkildə yığılması layihəsində iştirak etməyə çağırıb. Bundan sonra Ukrayna Aviasiya Kəşfiyyatına Dəstək Mərkəzinin rəhbəri Mariya Berlinskaya aydınlıq gətirib ki, bir milyon dron yaratmaq planları yalnız “ən sadə FPV dronlarına” aiddir. (Tass)