2023-cü ilin III rübü ərzində istirahət, əyləncə və incəsənət sahələrində maliyyə axınları ötən ilin eyni dövrünə nəzərən 8.9% azalıb.
“APA-Economics” Azərbaycan Mərkəzi Bankına istinadən xəbər verir ki, istirahət, əyləncə və incəsənət sahəsində azalma əsasən kitabxana, arxiv və muzeylərin fəaliyyət qrupu üzrə qeydə alınmış azalmadan irəli gəlib. Belə ki, bu qrup üzrə maliyyə axınları ötən ilin müvafiq dövrü ilə müqayisədə 36.5% və ya 26 milyon manat azalıb.