“Boneyra adasının Bakıdan keçən BMT Baş Assambleyasındakı öz müqəddəratını təyinetmə yolu” adlı konfransın yekunlarına dair bəyannamə qəbul edilib.
APA-nın məlumatına görə, sənəddə deyilir ki, müstəmləkə şəraitində mövcudluğunu davam etdirən Boneyra dövləti və xalqının bütün fundamental hüquq və azadlıqları Birləşmiş Millətlər Təşkilatının nizamnaməsinin tələblərinə uyğun təmin edilməli, beynəlxalq ictimaiyyət Boneyra ərazisində yaşayanların problemlərinə diqqət yetirməlidir.
Eyni zamanda bəyannaməni imzalayan tərəflər Boneyra da daxil olmaqla, Karib hövzəsində yerləşən müstəmləkə dövlətlərinin humanitar ehtiyaclarının ödənilməsi üçün tutarlı və təsirli tədbirlər görməlidir.
Əlavə edək ki, konfrans iştirakçısı olan bütün tərəflərin təsdiqlədiyi sənəddə Niderland hökuməti müstəmləkə ərazilərindəki vəziyyətin beynəlxalq monitorinqinin aparılmasına şərait yaratmağa çağırılır.