Avropa İttifaqı Şimali Atlantika Alyansının mövcudluğuna baxmayaraq, özünü müdafiə etmək və düşmənin qarşısını almaq üçün vasitələrə malik olmalıdır. Bunu Avropa Komissiyasının (AK) rəhbəri Ursula fon der Lyayen Praqada keçirilən təhlükəsizlik konfransında deyib. Onun çıxışı AK xidmətləri tərəfindən yayımlanıb.
“NATO kollektiv müdafiəmizin mərkəzində qalmalı olsa da, özümüzü müdafiə etmək və hər hansı düşmənin qarşısını almaq üçün öz imkanlarımıza ehtiyacımız var. Təhlükəsizliyimiz bizim ilk məsuliyyətimizdir” deyib. (Tas)