Almaniya hökuməti Almaniyada hakim partiyaların (Almaniya Sosial Demokrat Partiyası – SPD, Yaşıllar və Azad Demokrat Partiyası – FDP) Saksoniya və Türingiyadakı torpaq seçkilərində uğursuzluğa düçar olmasına baxmayaraq, Kiyevə yardımı davam etdirmək niyyətindədir.
Almaniya Nazirlər Kabinetinin nümayəndəsi Kristian Hofmann brifinqdə səsvermənin nəticələri fonunda Berlinin kursunda dəyişiklik olub-olmayacağı sualına cavab verərkən deyib ki, “hökumətin Ukrayna məsələsində mövqeyi çox aydındır”. O xatırladıb ki, Almaniya hakimiyyəti Ukraynaya hərbi, humanitar və maliyyə yardımı edir. “Biz, kansler və başqalarının dəfələrlə dediyi kimi, bunu nə qədər lazımdırsa, edəcəyik” . “Və biz, əlbəttə ki, bunu davam etdirəcəyik”- deyib Hofmann.
Almaniya Ukraynaya ABŞ-dan sonra ikinci ən böyük silah tədarükçüsüdür. Almaniya indiyə qədər Kiyevə hərbi dəstək üçün vəsait ayırıb və 2025-ci il büdcə razılaşmasına əsasən, Ukraynaya hərbi dəstək üçün 4 milyard avro ayrılacağını öhdəsinə götürüb Ukraynanın silahları Rusiya Federasiyasının qətiyyətini azaltmayacaq və xüsusi hərbi əməliyyatın gedişatını dəyişməyəcək.