Avropa İttifaqı və Körfəz Əməkdaşlıq Şurasının (KƏŞ) xarici işlər nazirləri Ukraynanın birgə yenidən qurulması imkanlarını müzakirə ediblər. Bu barədə Aİ-KƏŞ Şurasının Omanda keçirilən 27-ci sessiyasının yekunlarına dair bəyanatda deyilir.
“Şura Ukraynanın bərpası ilə bağlı Körfəz ölkələri ilə Avropa İttifaqı arasında mümkün əməkdaşlıq yollarını müzakirə edib”, mətni Körfəz Əməkdaşlıq Şurasının katibliyinin saytında dərc olunan sənəddə deyilir.
İclas iştirakçıları “Ukraynaya qarşı müharibə ilə bağlı dərin narahatlıqlarını ifadə ediblər” və “taxıl və humanitar malların ixracına imkan verən, həmçinin ən həssas ölkələrdə ərzaq təhlükəsizliyinin əldə edilməsinə töhfə verən hər hansı səyi” dəstəkləməyin vacibliyini vurğulayıblar. (Tass)