Finlandiya Müdafiə Nazirliyinin 2025-ci il üçün büdcəsi təxminən 6,5 milyard avroya çatacaq, ilk dəfə olaraq ölkənin NATO-ya üzvlüyü üçün 67 milyon avro ayrılacaq. Bu, parlamentə təqdim olunan büdcə layihəsindən belə çıxır.
Müdafiə Nazirliyinin 2025-ci il üçün büdcəsi hazırkı büdcədən 488 milyon avro çoxdur. 2024-cü ilin faktiki büdcəsi ilə müqayisədə əməliyyat xərcləri 115 milyon avro artacaq, kadrların sayının təxminən 140 nəfər artacağı gözlənilir.
NATO-ya üzvlüklə bağlı yeni resurs tələblərini ödəmək üçün əlavə 67 milyon avro ayrılacaq. Hesabatda bunlara Finlandiyada yaradılacaq yerüstü komandanlıq qərargahı və Finlandiyada quru qüvvələrinin genişləndirilməsi daxildir. Bundan əlavə, büdcə layihəsində göstərildiyi kimi, müttəfiq ölkələrdən yardım almaq imkanlarını asanlaşdırmaq üçün əlavə ayırmalar həyata keçirilir.
Ümumilikdə, Finlandiyanın 2025-ci il büdcəsinə 88,8 milyard avro dövlət xərcləri, 76,6 milyard avro gəlir və 12,2 milyard avro kəsir daxildir. (Tass)