İrəvan tam razılaşdırılmış sülh sazişi layihəsini Bakıya verib. Ermənistan Azərbaycanın reaksiyasını gözləyir. Bu barədə Ermənistanın xarici işlər naziri Ararat Mirzoyan mətbuat konfransında bildirib.
“Ermənistan sülh müqaviləsinin onuncu variantını Azərbaycana təhvil verib. Layihəyə bütün razılaşdırılmış mətn, tam razılaşdırılmış maddələr və ya maddələrin razılaşdırılmış hissələri daxildir”.
Mirzoyanın bəyanatına görə, Ermənistan və Azərbaycanın tezliklə sülh sazişi imzalamaq üçün real şansları var. “Biz inanırıq ki, qısa müddətdə sülh sazişi imzalamaq və Cənubi Qafqazda uzunmüddətli sabitliyə qapı açmaq üçün real imkan var”, – o qeyd edib.
Respublika XİN rəhbərinin sözlərinə görə, Bakı ilə imzalanmış bir saziş bütün problemi həll etməyəcək, “digər problemlər tərəflər istəsə, sonradan həll edilməlidir”. (Tass)