Özbəkistan və Rusiya prezidentlərin təşəbbüsü ilə qarşılıqlı faydalı layihələrin maliyyələşdirilməsi üçün investisiya platforması yaradıblar. Bu barədə Özbəkistanın Baş naziri Abdulla Aripov Daşkənddə hökumət başçıları səviyyəsində Rusiya-Özbəkistan birgə komissiyasının 5-ci iclası zamanı bildirib.
“Dövlət başçılarının təşəbbüsü ilə investisiya platforması yaradılıb, o, ilk növbədə Özbəkistan Respublikası ərazisində qarşılıqlı faydalı, əhəmiyyətli infrastruktur və sənaye layihələrinin maliyyələşdirilməsinə xidmət edəcək”, – deyə hökumət başçısı bildirib. O, eyni zamanda, ölkələrin regional səviyyədə çox məhsuldar qarşılıqlı fəaliyyət göstərdiyini vurğulayıb.
Aripov qeyd edib ki, Yekaterinburqda keçirilən Sankt-Peterburq İqtisadi Forumunda, Qafqaz İnvestisiya Forumunda, Kazan Forumunda və İNNOPROM-da Özbəkistanın idarə və regionları fəal iştirak ediblər.
“Qarşılıqlı fəaliyyətin digər mühüm istiqaməti nəqliyyat və tranzit əməkdaşlığıdır, biz ölkələrimizə məhsullar üçün perspektivli bazarlar açmağa imkan verəcək yeni beynəlxalq nəqliyyat dəhlizlərinin formalaşdırılmasında maraqlıyıq”, – deyə Özbəkistanın baş naziri əlavə edib. Onun sözlərinə görə, Özbəkistanla Rusiya arasında birbaşa uçuşların sayı həftədə demək olar ki, 300-ə çatıb ki, bu da dünyanın istənilən ölkəsindən yüksək göstəricidir. Coğrafiyası genişlənməkdə davam edən Özbəkistan-Rusiya dəmir yolu əlaqəsi tam formatda bərpa edilib. (Tass)