İran İngiltərə, Fransa və Almaniyanın Rusiyaya ballistik raketlərin tədarükünə görə ona qarşı sanksiyalar tətbiq etmək niyyətləri barədə bəyanatına proporsional cavab verəcəklərini vəd edib . Bu barədə İslam Respublikası Xarici İşlər Nazirliyinin rəsmi nümayəndəsi Nasser Kənaninin X sosial şəbəkəsində İran XİN-in səhifəsində dərc olunmuş bəyanatından məlum olub.
“Üç Avropa ölkəsinin bu addımı Qərbin İran xalqına qarşı düşmənçilik siyasətinin və iqtisadi terrorizminin davamıdır və bu, İran İslam Respublikası tərəfindən müvafiq və mütənasib tədbirlərlə qarşılanacaq”.
Kənani Avrotroykanın bəyanatlarını, o cümlədən Iran Air-ə qarşı sanksiyalar tətbiq etmək niyyətini pisləyib. O , Tehranın Moskvaya ballistik raket satması ilə bağlı hər hansı məlumatın yalan olduğunu və tamamilə əsassız olduğunu açıqlayıb. (Lenta.ru)