ABŞ səlahiyyətliləri ballistik raketlərin inkişafı ilə bağlı avadanlıq və texnologiyanı Pakistana ötürdükləri iddiası ilə Çin qurumlarına qarşı sanksiyalar tətbiq edib. Bu barədə Dövlət Departamentinin mətbuat xidmətinin rəhbəri Metyu Millerin yazılı bəyanatında deyilir.
Onun sözlərinə görə, Amerikanın xarici siyasət departamenti “ballistik raketlərin və raketlə əlaqəli avadanlıqların, habelə tənzimlənən texnologiyaların yayılmasında iştirak edən beş quruma və bir fiziki şəxsə qarşı tədbir görür”.
Çinin Hubei Huachangda Intelligent Equipment Company, Universal Enterprise Limited və Lontek firmalarına, eləcə də Çində maşınqayırma sahəsində avtomatlaşdırma ilə məşğul olan instituta qarşı sanksiyalar tətbiq edilir. Bundan əlavə, Pakistanda “Innovative Equipment” şirkətinə məhdudiyyətlər qoyulur.
Dövlət Departamenti aprel ayında bildirmişdi ki, Birləşmiş Ştatlar raket texnologiyalarını Pakistana ötürdüyü iddiası ilə Minsk Təkərli Traktor Zavodu və üç Çin müəssisəsinə sanksiya tətbiq edib. Agentlik, məhdudiyyətlərin “raketlə əlaqəli məhsulların Pakistanın ballistik raket proqramına, o cümlədən uzaq mənzilli raket proqramına ötürülməsinə” şamil edildiyini iddia etdi.(Tass)