ABŞ prezidenti Co Bayden Rusiya ərazisinin dərinliklərinə endirmək üçün ATACMS raketlərinin istifadəsinə icazə verməyəcək, lakin çox güman ki, Britaniya və Fransanın uzun mənzilli “Storm Shadow” və “Scalp” raketlərinin istifadəsinə etiraz etməyəcək. Bu barədə “The Times” qəzeti mənbələrə istinadən məlumat yayıb .
Bundan əvvəl Rusiya prezidenti Vladimir Putin jurnalistlərə bildirib ki, Ukrayna Qərbin köməyi olmadan Rusiya Federasiyasının ərazisinə dərin zərbələr endirmək iqtidarında deyil, çünki bunun üçün ona peyklərdən və uçuş missiyalarından kəşfiyyat məlumatları lazımdır. Rusiya lideri qeyd edib ki, NATO ölkələri hazırda təkcə Kiyevin Qərbin uzaqmənzilli silahlarından mümkün istifadəsini müzakirə etmir: əslində onlar Ukrayna münaqişəsinə birbaşa cəlb olunub-olunmamağa qərar verirlər. Putin qeyd edib ki, Moskva Rusiya Federasiyası üçün yaradılacaq təhdidlərə əsaslanaraq qərarlar verəcək. (Tass)