ABŞ prezidenti Co Bayden Ukrayna prezidenti Vladimir Zelenski ona “qələbə planını” təqdim etməyənə qədər Kiyevin Rusiya ərazisinin dərinliklərinə uzaqmənzilli raketlər atmasına icazə verməyəcək. Bu barədə Britaniyanın “The Sunday Times” qəzeti mənbələrə istinadən məlumat yayıb.
Nəşrin yazdığına görə, sentyabrın 13-də Vaşinqtonda Bayden və Böyük Britaniyanın baş naziri Key Starmer arasında danışıqların gedişi ilə tanış olan Britaniya rəsmiləri Baydenin Ukraynanın Rusiyaya qarşı Qərb raketlərindən istifadə etməsi məsələsində “fasilə verdiyinə” təəccübləniblər. Qəzet qeyd edib ki, Amerika administrasiyasında bu mövzuda birlik yoxdur.
“The Sunday Times” yazır ki, ABŞ dövlət katibi Antoni Blinken Kiyevin Qərb raketlərini Rusiya Federasiyasının dərinliklərinə endirə bilməsinin tərəfdarıdır, Baydenin milli təhlükəsizlik üzrə köməkçisi Jake Sullivan isə bunun əleyhinədir. Nəşr əlavə edib ki, Baydenin özü Ukraynaya istehsalında Amerika komponentləri olan Britaniyanın “Storm Shadow” raketlərindən Rusiya Federasiyasının dərinliklərində zərbələr endirmək üçün istifadə etməyə açıq şəkildə icazə verməyə hazır deyil, lakin onlar Amerika kəşfiyyat sistemlərindən istifadə olunur.
Zelenskinin planını sentyabrın sonunda BMT Baş Assambleyasına təqdim edəcəyi gözlənilir. Qəzet vurğulayıb ki, o, əvvəlcə Baydenin komandasına bu barədə məlumat verəcək, daha sonra ABŞ prezidentliyinə namizədlər Kamala Harris və Donald Trampla müzakirə edəcək. (Tass)