Livan Silahlı Qüvvələri ölkə vətəndaşlarından hər hansı şübhəli rabitə vasitələrini orduya xəbər vermələrini xahiş edib. Müvafiq bəyanat Silahlı Qüvvələrin Komandanlığının X-də (keçmiş Twitter) səhifəsində yerləşdirilib.
“Biz vətəndaşları gördükləri şübhəli rabitə vasitələri və ya digər obyektlər barədə hərbi qulluqçulara məlumat verməyə və heç bir halda onlara yaxınlaşmamağa çağırırıq”, – sənəddə deyilir. Hərbçilər əlavə edib ki, “Silahlı Qüvvələrin ixtisaslaşmış bölmələri hazırda ölkənin müxtəlif ərazilərində şübhəli peycerləri məhv edir” və mülki şəxslərdən “qurğuların məhv edildiyi yerlərdən uzaq durmağı” xahiş edib.
(Tass)