Avropa Rusiya-Ukrayna münaqişəsində tərəf tutmaq üçün xərclər çəkir, lakin indiyədək onun üçün məqbul olan qiyməti ödəyə bilib. Bunu Türkiyənin xarici işlər naziri Hakan Fidan Türkiyənin SETA Strateji Araşdırmalar Mərkəzində çıxışı zamanı deyib.
“Avropanın heç gözləmədiyi müharibə gedir. Və Avropa bu Rusiya-Ukrayna münaqişəsində tərəf tutdu. Hazırda o, məqbul, idarə oluna bilən xərclər çəkir. Niyə belədir? Baxın, Avropanın insan itkisi yoxdur. Ukrayna insan itkiləri ilə üzləşir, buna görə də müharibə silah və maliyyə təmin etməklə davam edə bilər. Rusiya ilə, xüsusən də enerji sektorunda iş kəsildi”, – deyə Fidan bildirib.
Onun sözlərinə görə, əlaqələrin bu pozulması “Avropanın hazırda üzləşdiyi problemdir”. “Amma indi də görməyə başladılar ki, təhlükə Ukraynaya deyil, onlara qarşı yönəlsəydi, onlar buna müqavimət göstərə bilməyəcəklər, təbii ki, təhlükə yaranarsa, NATO – Amerikanın təhlükəsizlik çətiri gələcək Bəs bu həmişə belə olacaq? – nazir qeyd edib.
Onun fikrincə, Avropa İttifaqı “taleyini prezident seçkilərinin təyin olunduğu ABŞ-a təhvil verib”. “Fərz edək ki, Birləşmiş Ştatlarda keçirilən seçkilər nəticəsində Avropanın təhlükəsizliyini təmin etmək istəmədiyini söyləyən bir hökumət gəldi, bu halda Avropa bu problemlərə tab gətirə biləcək bir təhlükəsizlik mexanizmi ilə yaşaya biləcəkmi?” – Fidan qeyd edib. (Tass)