Birləşmiş Ştatlar Yaxın Şərqdəki münaqişənin genişmiqyaslı müharibəyə çevrilməməsi üçün əlindən gələni edəcək. Bu barədə ABŞ prezidenti Co Bayden Ağ Evin cənub çəmənliyində jurnalistlərə danışarkən bildirib.
Bayden qeyd edib ki, o, regionda gərginliyin artmasından narahatdır. “Bəli, biz müharibənin böyüməsinin qarşısını almaq üçün əlimizdən gələni edəcəyik və bunun üçün israrla səy göstərməyə davam edəcəyik” deyib.
Fələstin HƏMAS hərəkatının yaraqlılarının 2023-cü il oktyabrın 7-də Qəzza zolağından İsrail ərazisinə soxulması, sərhəd yaşayış məntəqələrinin sakinlərinin öldürülməsi və 250 nəfərin girov götürülməsindən sonra Yaxın Şərqdə vəziyyət kəskin şəkildə pisləşib. Radikallar bu hücumu İsrail hakimiyyətinin Qüdsdəki Əl-Əqsa məscidinə qarşı hərəkətlərinə cavab adlandırıblar. İsrail Qəzzanı tam mühasirəyə aldığını elan edərək, ona və Livan və Suriyanın müəyyən ərazilərinə qarşı qisas almağa başlayıb, bundan sonra Fələstin anklavında quru əməliyyatına başlayıb.
Bunun fonunda Livan-İsrail sərhədində gərginlik artmağa başlayıb, Livan ərazisindən davamlı atəşə tutulub və İsrail hərbçiləri buna atəşlə cavab verib. Ordunun mətbuat xidmətinin məlumatına görə, Hizbullah obyektləri hədəfə alınır. İsrailin şimalındakı sərhəd bölgələrindən 80 mindən çox insan təxliyə edilib. (Tass)