Səudiyyə Ərəbistanı beynəlxalq sülh və təhlükəsizliyin qorunmasını təmin edə bilməyən BMT sistemində islahatların aparılması ideyasını dəstəkləyir. Bunu Səudiyyə Ərəbistanının xarici işlər naziri, şahzadə Feysəl bin Fərhan Əl Səud dünya təşkilatının mənzil-qərargahında keçiriləcək Gələcək Sammitində çıxışı zamanı deyib.
“Ölkəmiz çoxtərəfli əməkdaşlığı gücləndirmək üçün fəal işləyir, lakin daha parlaq gələcəyə nail olmaq üçün biz BMT sistemində islahatlar aparmalıyıq. Bu, aktual məsələdir. Bu, təşkilatın beynəlxalq sülhün və təhlükəsizliyin qorunmasında üzərinə düşən vəzifələri yerinə yetirməsi üçün zəruridir”, – deyə Səudiyyə Ərəbistanının xarici siyasət idarəsinin rəhbəri bildirib.
Nazirin sözlərinə görə, beynəlxalq qurumlarda islahatlar aparılmalıdır, çünki “onlar hazırda Fələstində problemlərin həlli və humanitar fəlakətin aradan qaldırılması üçün uyğun deyil”. “Bu qurumlar işğalçı güc İsraili törətdiyi bütün vəhşiliklərə görə məsuliyyətə cəlb edə bilməz”, o əlavə edib. (Tass)