Livanın “Hizbullah” şiə hərəkatı artıq “bir sıra ciddi zərbələr” alıb, lakin İsrail ordusu “daha çox zərbələrə hazırdır”. Bu sözləri İsrail Müdafiə Nazirliyinin rəhbəri Yoav Qalant Livanda quru döyüş əməliyyatlarının keçirildiyi təlimdən sonra hərbçilərlə görüş zamanı deyib.
Hizbullah “bir həftə əvvəl olduğu kimi deyil”, çünki “komandasına, döyüşçülərinə və döyüş vasitələrinə bir sıra ciddi zərbələr alıb”, – Qalant deyib. “Mən İsrail ordusuna və onun etdiyi hər şeyə güvənirəm və bizim daha çox zərbələrimiz var” deyən Qalant İsrail ordusunun “nə edəcəyini və necə hərəkət edəcəyini bildiyini” qeyd edib.
Nazirin açıqlamalarını İsrail Müdafiə Nazirliyinin mətbuat xidməti yayıb. (Tass)