Cümə axşamı ABŞ-ın vitse-prezidenti və ən yüksək hökumət postuna demokrat namizəd Kamala Harris bu ölkənin prezidenti Vladimir Zelenski ilə görüşündə Kiyevə hərbi yardım və Ukraynanın enerji sisteminə dəstək məsələsini müzakirə edib. Bu barədə Ağ Evin mətbuat xidmətinin yaydığı bəyanatda deyilir.
“Vitse-prezident Ukraynanı dəstəkləməkdə sarsılmaz öhdəliyini ifadə edib”, – sənəddə qeyd edilir. Bəyanata görə, onlar “ABŞ-ın Ukraynaya davamlı güclü dəstəyinin vacibliyini”, “Prezident Zelenskinin qələbə planını və Ukrayna xalqının iradəsinə və BMT Nizamnaməsinə əsaslanan uzunmüddətli sülhü təmin etmək səylərini” müzakirə ediblər.
Harris və Zelenski “döyüş meydanındakı son hadisələr və ABŞ-ın Ukraynaya davam edən hərbi yardımı, o cümlədən prezident Baydenin bugünkü mühüm açıqlaması” haqqında danışıblar. “Keçmiş məsləhətləşmələri davam etdirən vitse-prezident Ukraynanın qanunun aliliyini təmin etmək və korrupsiyaya qarşı mübarizə səylərində davamlı irəliləyişini alqışlayıb. Onlar həmçinin Rusiyanın yeni hücumlarından sonra Ukraynada mülki enerji infrastrukturunun gücləndirilməsinə ABŞ-ın davamlı dəstəyini müzakirə ediblər”, – məlumatda deyilir. (Tass)