Macarıstanın baş naziri Viktor Orban Avropa Birliyinə qeyri-qanuni miqrasiyanı dayandırmağa çağırıb və Avropada getdikcə daha çox insanın onun mövqeyi ilə razılaşdığını vurğulayıb.
“Macarıstanın qeyri-qanuni immiqrasiya ilə bağlı mövqeyi sadədir: biz bunu dayandırmaq istəyirik. Qərbi Avropada keçirilən son seçkilər sübut etdi ki, getdikcə daha çox insan bizimlə həmfikirdir”, – Orban X-də (keçmiş Twitter) yazıb. O əlavə edib ki, Macarıstanın “yaxşı gələcək üçün yeganə şansı” “qanunsuz miqrantları Avropa qitəsindən uzaq tutmaqda”dır.
Bundan əvvəl Avropa İttifaqının Ədalət Məhkəməsi miqrantların qəbulu qaydaları ilə bağlı əvvəlki məhkəmə qərarlarını yerinə yetirməkdən imtina etdiyinə görə Macarıstana 200 milyon avro cərimə, eləcə də gündəlik 1 milyon avro məbləğində cərimə tətbiq edib. Macarıstan baş nazirinin təhlükəsizlik üzrə müşaviri Gyorgy Bakondy də vurğulayıb ki, Budapeşt “ölkəyə qeyri-qanuni miqrantların buraxılması planlarını rədd edərək, Avropanın xarici sərhədlərini qorumağa davam edir”. Macarıstanın baş nazirinin ofisinin rəhbəri Gergely Gulyas avqustun 22-də bildirib ki, Avropa İttifaqı Macarıstanın qeyri-qanuni miqrant axını ilə mübarizə aparmasına mane olarsa, Budapeşt miqrantları birbaşa Brüsselə göndərməyə hazırdır. (Tass)