İran parlamentinin üzvü Həsənəli Exlaki Amiri ölkənin Ali Milli Təhlükəsizlik Şurasına nüvə silahının hazırlanmasını qadağan edən mövcud müdafiə doktrinasına düzəlişlər etməyi xahiş edib.
“Hazırda şər sionist rejim (İsrail nəzərdə tutulur ) tamamilə qeyri-insaniləşdiyi və beynəlxalq təşkilatların, Avropa və Amerika ölkələrinin heç biri bu dəli itə nəzarət edə bilməyəndə mən ölkənin Ali Milli Təhlükəsizlik Şurasına müraciət edirəm: müdafiə doktrinasına yenidən baxılmasını müzakirə etmək təklifləri Ali Rəhbərə [Ayətullah Əli Xameneiyə] təqdim etmək istəyirəm”.
“Bu fani dünyada nəfəs almaq sizin üçün o qədər dəyərlidir ki, siz alçaqlığı qəbul edib, ləyaqət, şərəf və ambisiyalarınızdan əl çəkəsiniz?”, – deyə həmkarlarına bildirib.
İran dəfələrlə vurğulayıb ki, ölkədə nüvə silahı istehsalının İslam dininə zidd olması barədə Ali Rəhbərdən fitva var. İran siyasətçiləri bunu milli nüvə proqramının sırf dinc xarakterli olmasının arqumenti kimi göstərirlər. Ölkənin müdafiə doktrinası bu tip silahların yaradılmasını qadağan edir. (Tass)