İsrailin Livan ərazisində Hizbullah hərəkatına qarşı hərbi əməliyyatına başlamasından sonra Livan sakinlərinin təxminən 20%-i evlərini tərk etmək məcburiyyətində qalıb. Bu barədə Aİ-nin xarici işlər və təhlükəsizlik siyasəti üzrə ali nümayəndəsi Xosep Borrel bildirib.
“Livanda vəziyyət günü-gündən pisləşir. İsrail Livanı bombalayır, Mavi xəttdə atışmalar gedir, qoşunlar Livan ərazisinə daxil olur. Mövcud məlumatlara görə, Livan əhalisinin təxminən 20%-i köçmək məcburiyyətində qaldılar”, – o, Avropa Parlamentinin plenar iclasında çıxış edərkən deyib.
Onun sözlərinə görə, Suriyaya 150 minə yaxın livanlı gedib. Borrell vurğulayıb ki, partlayışlar təkcə şəhərətrafı ərazilərə və infrastruktura deyil, həm də şəhərlərin mərkəzi ərazilərinə də təsir edir.
Ötən il oktyabrın 7-də Fələstinin radikal HƏMAS hərəkatının yaraqlılarının Qəzza zolağından İsrail ərazisinə soxulmasından, sərhəd yaşayış məntəqələrinin sakinlərinin öldürülməsi və əsirlərin girov götürülməsindən sonra Yaxın Şərqdə vəziyyət kəskin şəkildə pisləşib. İsrail Qəzzanı tam blokadaya aldığını elan edib və zolağında hərbi əməliyyata başlayıb. (Tass)