Almaniya hakimiyyəti İsrailə silah tədarükünü davam etdirəcək. Bunu Almaniya kansleri Olaf Şolz respublika hökumətini İsrailə dəstək vermədiyinə görə qınayan müxalifət nümayəndələrinin ittihamlarına cavab olaraq bildirib.
“Deputat kimi çıxış etmək imkanım olması sevindirici haldır. Biz silah tədarük etməmək barədə qərar qəbul etməmişik. Biz silah vermişik, silah da verəcəyik. Bu, Almaniya hökumətinin mövqeyidir”, – Şolz debat zamanı deyib. Bundestaqda Fələstin radikallarının İsrailə qarşı hücumunun ildönümünə həsr olunub.
“Mən Federal Təhlükəsizlik Şurasının məxfilik qaydalarını pozmayacağam, lakin biz hökumətdə qərarlar qəbul etmişik ki, bu da yaxın gələcəkdə əlavə tədarükləri də təmin edəcək və sonra görəcəksiniz ki, bu, saxta ittihamdır”, – kansler yekunlaşdırıb.
Bundan əvvəl Xristian Demokrat İttifaqının lideri Fridrix Merz iddia etmişdi ki, “Almaniya hökuməti bir neçə həftə və aylar ərzində, məsələn, döyüş sursatı ixracına və hətta İsrailə tankların ehtiyat hissələrinin tədarükünə icazə verməkdən imtina edib”. O, izah etdi ki, “çoxlu sayda şirkət” icazə almaq üçün ərizələrin təqdim edildiyini bildirən yazılı sənədlər təqdim edib, lakin Almaniya hökuməti bir neçə aydır ki, onlara baxmayıb. (Tass)