Azərbaycanın sədrlik edən tərəf kimi məqsədi dialoq tərəfləri arasında körpü olmaqdır.“Report” xəbər verir ki, bunu BMT-nin COP29-da iqlim dəyişmələri üzrə yüksək səviyyəli çempionu Nigar Arpadarai Bakıda BMT-nin İqlim Dəyişmələri üzrə Tərəflərin İlkin Konfransı (Pre-COP29) çərçivəsində keçirilən panel sessiyasında deyib.Onun sözlərinə görə, beynəlxalq ictimaiyyət birləşməli və iqlim fəaliyyətlərini əlaqələndirmiş şəkildə həyata keçirməlidir.”Müxtəlif regionlarda fərqli problemlər və imkanlar var, lakin hamımızın bir evi var – planet. Buna görə də bir-birimizə etibar etməliyik”, – N.Arpadarai bildirib.O qeyd edib ki, iddialı planlar çox vacibdir, lakin onların faktiki icrası barədə şəffaf hesabat real tərəqqini nümayiş etdirmək üçün daha vacibdir: “Beləliklə, qeyri-dövlət subyektləri həlledici rol oynayır. Onlar təkcə milli hesabatları tamamlamaqla deyil, həm də iqlim dəyişikliyi ilə mübarizə haqqında hesabatları formalaşdırmağa və təkmilləşdirməyə kömək edə biləcək dəyərli hesabatlar təqdim edirlər”.
