Ağakərim hər zaman gənclərə Mübariz kimi mərd və savadlı olmağı tövsiyə edərdi.
Bunu “Report”un Muğan bürosuna açıqlamasında Milli Qəhrəman Mübariz İbrahimovun oktyabrın 16-da vəfat edən atası Ağakərim İbrahimovun qardaşı Böyükağa İbrahimov deyib.
Onun sözlərinə görə, mərhum yanına gələn qonaqlara həmişə vətənpərvərlikdən danışardı:
“Qardaşım hər zaman gənclərə tövsiyə edərdi ki, oxuyun, Mübariz kimi mərd və savadlı olun.
Kimin müşkül işi olardısa, məsləhət üçün onun yanına gələrdi. Allah rəhmət eləsin, Ağakərim el ağsaqqalı idi”.