Şimali Atlantika Alyansı hələ NATO üzvü olmamasına baxmayaraq, Ukrayna üçün müdafiə planları hazırlaya bilər. Bu fikri Litvanın xarici işlər naziri Qabrielius Landsberqis deyib.
O xatırladıb ki, Vilnüs 12 ilə yaxındır ki, NATO-dan müdafiə planlarını gözləyirdi. “Bizim üçün müdafiə planları Litvanın NATO-ya qəbulundan sonra hazırlanıb”, – deyə o, jurnalistlərə bildirib: “Məsələ ondan ibarətdir ki, Ukrayna onları onilliklər gözləməlidirmi?”
Nazirin sözlərinə görə, bu, Moskvaya “Ukrayna Qərbin himayəsi altında ola bilər” mesajı olardı. (Tass)