Hindistan Ukraynada sülhün tezliklə bərqərar olmasının tərəfdarıdır və münaqişənin həlli üçün istənilən yardımı göstərməyə hazırdır. Bunu Cənubi Asiya respublikasının baş naziri Narendra Modi Kazanda Rusiya prezidenti Vladimir Putinlə görüşündə deyib.
“Rusiya və Ukrayna arasında davam edən münaqişə ilə bağlı müntəzəm təmasdayıq. Əvvəllər dediyim kimi, problemlərin sülh yolu ilə həll edilməli olduğuna inanırıq və sülh və sabitliyin tezliklə bərqərar olmasını tam dəstəkləyirik”, – Modi deyib.
“Zati-aliləri, biz gələcəkdə mümkün olan hər cür yardımı göstərməyə hazırıq, bu gün bizim bütün bu məsələlərlə bağlı danışmaq imkanımız olacaq”, – Hindistan hökumətinin başçısı vurğulayıb. (Tass)