Bir sıra NATO ölkələri, o cümlədən ABŞ və Almaniya Ukrayna prezidenti Vladimir Zelenskinin tələblərinə tabe olmağa və Rusiya ilə birbaşa münaqişədən qorxaraq onu dərhal alyansa dəvət etməyə hazır deyil. Bu barədə Avropanın “Politico” nəşri adı açıqlanmayan dörd ABŞ və NATO rəsmisi və diplomatına istinadən yazıb.
Onların məlumatına görə, Almaniya və ABŞ Kiyevi bloka dəvət etməkdə ilk tərəddüd edənlər sırasındadır. “Belçika, Sloveniya və İspaniya kimi ölkələr ABŞ və Almaniyanın arxasında gizlənirlər, onlar [Ukraynanın NATO-ya üzv olmasını] istəmirlər”, – Politico alyansın adının açıqlanmayan nümayəndəsindən sitat gətirir. Macarıstan və Slovakiya da Ukraynanın üzvlüyünə qarşıdır.
Nəşrin digər həmsöhbətinin sözlərinə görə, blok ölkələri Ukraynanın üzvlüyünü yalnız hipotetik şəkildə dəstəkləyir və bu, reallaşarsa, fəal müqavimət göstərməyə başlayacaq. Qəzetin yazdığına görə, alyansın əsas üzvləri “Rusiya ilə müharibəyə cəlb olunacaqlarından narahat olduqları üçün” Kiyevi dəvət etməyi gecikdirir.
Politico-nun mənbəsinin sözlərinə görə, ABŞ prezidenti Co Baydenin administrasiyası hesab edir ki, Aİ ölkələrinin əksəriyyəti yaxın gələcəkdə Ukraynanın NATO-ya daxil olmasını dəstəkləməyəcək. Eyni zamanda, gələcəkdə Kiyevdən mümkün dəvət “Ukraynada korrupsiya ilə mübarizə üçün məcburi islahatlarla əlaqələndirilə bilər”, qəzetin həmsöhbəti qeyd edir. (Tass)