İran İsraillə üz-üzə deyil, ABŞ-la birbaşa hərbi münaqişədədir. Bunu İslam İnqilabı Keşikçiləri Korpusunun (İİKK, İran Silahlı Qüvvələrinin elit bölmələri) İsfahandakı qərargahının komandiri, general-mayor Müctəba Fəda deyib.
“Bu gün biz ABŞ-ın özü ilə qarşı-qarşıyayıq, biz qondarma İsraili tanımırıq və amerikalılarla birbaşa hərbi münaqişədəyik”, – deyə general vurğulayıb. Onun sözlərinə görə, İsrail və ABŞ Livanda vətəndaş müharibəsinin alovlanmasına can atır.
“Amerika bu lənətlənmiş rejimi dəstəkləmək üçün hər fürsətdən və vasitədən istifadə edir, lakin əslində sionistlər (İsraili nəzərdə tutur) amerikalılar adından vuruşurlar” deyib. (Tass)