Xırdalandakı Heydər Əliyev Mərkəzində Abşeron Rayon İcra Hakimiyyətinin dəstəyi və “Müasir İnternet Resurslarının İnkişafı” İctimai Birliyinin təşkilatçılığı ilə “Atadan oğula: Böyük Zəfər yolu” kitabının təqdimatı keçirilib.AZƏRTAC xəbər verir ki, nəfis tərtibatda təqdim olunan kitabda ziyalıların fikirləri ilə yanaşı, fotomateriallar da yer alıb.Tədbirdə çıxış edənlər bildiriblər ki, əsası Ulu Öndər Heydər Əliyev tərəfindən qoyulmuş möhkəm təməllər üzərində qurulmuş dövlətçilik strategiyası, milli, vətənpərvərlik ruhunda dövlətə və vətənə xidmət yolu bu gün onun siyasi kursunun layiqli davamçısı Prezident, Müzəffər Ali Baş Komandan İlham Əliyev tərəfindən uğurla davam etdirilir.Qeyd olunub ki, 8 noyabr 2020-ci il ölkəmizin Zəfər tarixində xüsusi tarixi əhəmiyyətə malikdir. Xalq-iqtidar birliyi ilə 30 illik torpaq həsrətinə son qoyuldu, əzəli Qarabağ torpaqlarımız düşmən işğalından azad edildi. Bu kitabın ərsəyə gəlməsi də Qarabağ Zəfərinə ziyalı və vətəndaş mövqeyinin ən parlaq nümunəsidir.
