ABŞ İsrailin hazırkı atəşinə cavab olaraq İranın mümkün zərbəsini dəf etməkdə iştirak etməyə tam hazırdır. Bu barədə cümə günü axşam saatlarında jurnalistlər üçün İsrailin İrana zərbəsi ilə bağlı xüsusi brifinqdə çıxış edən ABŞ administrasiyasının yüksək rütbəli rəsmisi bildirib.
“İran cavab vermək qərarına gələrsə, biz bir daha istənilən hücumu dəf etməyə tam hazırıq”, – ABŞ rəsmisi bildirib.
“Bir daha deyirəm: İran cavab vermək qərarına gəlsə, o zaman biz İsraili müdafiə etməyə və İsraili dəstəkləməyə tam hazırıq, əgər İran bu uğursuz qərarı qəbul edərsə, bunun nəticələri olacaq”, – ABŞ icra hakimiyyətinin rəsmisi bildirib.
Onun sözlərinə görə, Vaşinqton hesab edir ki, İran İsrailin zərbəsinə cavab verməməlidir, yəhudi dövlətinin bu əməliyyatı iki tərəf arasında hərbi qarşıdurmaya son qoyur. ABŞ administrasiyasının rəsmisi əlavə edib: “Bu, [Yaxın Şərq] regionundakı tərəfdaşlara çatdırılan bizim çox güclü baxışımızdır. Və təbii ki, bu, birbaşa və dolayı yolla bir çox kanallar vasitəsilə İrana çatdırılıb”. (Tass)