Gürcüstan hakimiyyəti müxalifət və bəzi Qərb liderləri və strukturları tərəfindən parlament seçkilərinin nəticələrini saxtalaşdırmaqda ittiham edildikdən sonra bütün seçki məntəqələrində komissiya yaratmağa və ən xırda detallara varmağa hazırdır. Bunu hakim “Gürcü arzusu – Demokratik Gürcüstan” partiyasının icraçı katibi Mamuka Mdinaradze deyib.
“Onlar seçicilərin siyahılarının açılmasını tələb edirlər. Təkcə siyahıları yox, gedək axırıncı ən kiçik məntəqəyə. Nə istəyirsən. Budur prokurorluğun istintaqı. İstəsən, komissiya yaradaq və biz birlikdə bütün məntəqələrə çatacağıq, hər şeyi açacağıq, hər şeyə girəcəyik. Məlumatları qarşımıza qoyacağıq və hər şeyi gözdən keçirəcəyik, son seçiciyə qədər”, – Mdinaradze brifinqdə deyib.
O, həmçinin müxalifət siyasətçilərini MSK-nın tələbi ilə araşdırmaya başlayan prokurorluğa sübut təqdim etməyə çağırıb. Mdinaradzenin sözlərinə görə, məsuliyyəti təkcə qanunu poza bilənlər deyil, həm də hakimiyyəti yüz minlərlə səslərin saxtalaşdırılmasında əsassız olaraq ittiham edənlər də daşımalıdır. (Tass)