İsrail Hərbi Hava Qüvvələri Livanın şərqindəki Bekaa vadisində şiə Hizbullah hərəkatının yanacaq anbarlarına hücum edib. Bu barədə İsrail Müdafiə Qüvvələrinin mətbuat xidməti məlumat yayıb.
“İsrail Hərbi Hava Qüvvələri Bekaa vadisində “Hizbullah”ın 4400 saylı Logistika Birliyinin hərbi kompleksləri içərisində yerləşən yanacaq anbarlarına hücum edib”, – deyə məlumatda bildirilir. “Bu anbarlar “Hizbullah”ın hərbi maşınlarını yanacaqla təmin etmək üçün istifadə edilib və “Hizbullah”ın hərbi infrastrukturunun fəaliyyəti üçün mühüm əhəmiyyət kəsb edirdi”, – mətbuat xidməti qeyd edib.
İsrail ordusuna görə, “hücum edilən ərazilər üçün yanacaq İran tərəfindən Hizbullaha hərbi dəstəyin bir hissəsi olaraq verilib” “Hizbullah terror təşkilatı İsrailə qarşı terror fəaliyyətləri və hücumları üçün istifadə olunan böyük həcmdə yanacaq toplamaqda davam edir”. ordu mətbuatı əlavə edib. (Tass)