Bakı Dövlət Universitetinin (BDU) nümayəndə heyəti Qazaxıstanın Almatı şəhərində yerləşən Qazax Milli Aqrar Tədqiqat Universitetində olub.Universitetdən AZƏRTAC-a bildirilib ki, nümayəndə heyəti son illərdə BDU-da rəqabətqabiliyyətliliyin artırılması istiqamətində görülmüş işlərə, eləcə də strateji fəaliyyət istiqamətlərinə dair geniş təqdimatla çıxış edib.Milli Aqrar Tədqiqat Universitetinin beynəlxalq əlaqələr üzrə prorektoru Rafis Abazov əməkdaşlığın hər iki ali təhsil müəssisəsi üçün səmərəli olacağını, BDU ilə əməkdaşlığın gələcəkdə daha yüksək formada inkişaf etdiriləcəyinə əminliyini bildirib.Qazax Milli Aqrar Tədqiqat Universiteti dünyanın ən nüfuzlu reytinq təşkilatlarından biri hesab olunan “QS Quacquarelli Symonds” agentliyinin tərtib etdiyi “QS World University Rankings 2025” nəticələrinə əsasən, 671-680 diapazonunda, eləcə də Asiya universitetlərinin reytinq sıralamasında 6-cı pillədə yer alıb.